DEFENSE WITNESS, MIANGKON NGA MITABANG SA LEGAL TEAM NI VP SARA SA MGA KASO NGA GIPASAKA BATOK NIINI.

Giangkon ni Atty. Anel Martin Antero nga kabahin siya sa legal team ni Bise Presidente Sara Duterte kalabot sa mga kaso nga giatubang niini.

Atol sa cross-examination, gipangutana sa abogado sa prosekusyon nga si Atty. Virgil Ligutan si Antero kung mahimo ba siyang isipon nga usa ka “avid defender” ni Duterte.

Mitubag si Antero nga kabahin siya sa legal team sa Bise Presidente may kalabotan sa mga kaso nga gipasaka batok kaniya.

Gikumpirmar usab sa saksi nga dugay na siyang higala ni Duterte ug sa bana niini nga si Atty. Manases Carpio.

Nagpresentar usab si Ligutan og pipila ka mga post sa social media gikan kang Antero nga nagpakita sa iyang suporta kang Duterte sa nagkalain-laing mga higayon.