Gipahinumduman ni Department of Transportation Secretary Vince Dizon ang mga drayber sa 01k modern jeepney route nga adunay LOVE BUS BRAND UNITS nga nag-operate ubos sa libreng sakay program nga dili mobalibad og pagsakay sa mga pasahero nga gustong mosakay.
Kini human mikaylap sa social media ang reklamo batok sa giingong pagdumili sa ubang unit sa pagpasakay og mga commuters.
Matud ni Sec. Dizon nga makig-coordinate siya sa LTFRB ilabina na sa Regional Direktor aron matagad and maong insidente. Sa iyang pamahayag, gihulga usab niini nga posibleng matanggalan og lisensiya ug dili na tugotan nga maka-drive ang mga driver nga mapamatud-ang midumili sa pagpasakay sa mga pasahero.
Gipasabot ni Dizon nga dili angay nga ang mga pasahero maoy ma-perwisyo tungod sa maong serbisyo nga gituyo aron pagpagaan sa adlaw-adlaw nga gasto sa transportasyon sa mga commuter.
Dugang pa niya nga kon ang hinungdan sa pagdumili sa pagpasakay mao ang problema sa sweldo o bayad gikan sa ilang operator, giawhag niya ang mga drayber nga direktang mosumbong sa DOTr.
Ingon man nga gipaniguro usab ni Dizon nga iyang paningkamotan nga makuha sa mga drayber ang angay nga sweldo ug benepisyo gikan sa ilang operator, apan wala niya tugoti nga gamiton kini nga rason aron maapektuhan ang mga pasahero. via Bombo Jemmaica Mayot
