-- ADVERTISEMENT --

Gipasiugda sa Cebu City Police Office (CCPO) nga ilang gipakita ang maximum tolerance atol sa protesta nga gipahigayon sa Colon Street, Dakbayan sa Sugbo kagahapon sa buntag, Lunes, Nobyembre 16, 2026 bisan pa og walay permit ang maong kalihokan.

Kini human miresulta sa kalit nga kagubot ang pagsunog sa effigy sa mga raliyista, diin duha ka personnel sa kapulisan ang nakaangkon og minor injuries.

Matud ni CCPO spokesperson Police Lieutenant Gerard Ace Pelare, gikinahanglan og permit ang bisan unsang protesta o public assembly nga ipahigayon sa gawas sa freedom park.

Bisan pa nga walay permit ang mga raliyista, gitugotan gihapon sila sa kapulisan nga mopadayon sa ilang protesta gikan alas-otso hangtod alas-dose sa udto.

Gipasabot ni Pelare nga ang presensya sa mga pulis sa maong lugar gitumong lamang aron masiguro ang hapsay nga dagan sa trapiko, malikayan ang aksidente sa dalan ug mapadayon ang kalinaw ug kahusay.

-- ADVERTISEMENT --

Apan miabot sa tensiyon ang sitwasyon sa ulahing bahin sa protesta human gisunog sa mga demonstrador ang effigy, bisan pa sa naunang sabot nga dili kini buhaton.

Matud pa ni Pelare, usa sa ilang gikabalak-an ang posibleng peligro nga mahimong ipahinabo sa kalayo tungod sa daghang mga kable sa kuryente nga anaa sa ibabaw sa Dalan Colon.

Tungod niini, gihangyo sa Station 3 commander ang mga raliyista nga undangon ang pagsunog sa effigy, apan inay nga mosunod, nahimong agresibo ang pipila ka demonstrador.

Gihangyo usab sa kapulisan ang personnel sa City Disaster Risk Reduction and Management Office (CDRRMO) nga palungon ang kalayo gamit ang fire extinguisher, apan giingong giilog kini sa mga raliyista nga dili gustong palungon ang kalayo.

Misangpot kini sa kalit nga komosyon diin nahimong agresibo ang pipila ka demonstrador ngadto sa mga pulis tungod sa ilang pagtuo nga adunay dakpon sa maong insidente.

Dugang pa ni Pelare, ang tuyo sa kapulisan mao lamang ang pagpatuman sa balaod, pagmintinar sa kalinaw ug kahusay,