-- ADVERTISEMENT --

Mas gipaspasan pa ang pagpangandam alang sa ika-75 nga anibersaryo sa Miss Universe human gipahibalo sa organisasyon kon kinsa ang mga host ug presenter alang sa Miss Universe 2026.

Gikompirmar nga ang television host nga si Mario Lopez ug ang Miss Universe 2022 nga si R’Bonney Gabriel mao ang magsilbing mga nag-unang host sa grand finale, nga ipahigayon karong Martes, Nobyembre 24, sa Coliseo de Puerto Rico José Miguel Agrelot sa San Juan, Puerto Rico.

Apil usab sa mga espesyal nga presenter ang mga kanhi Miss Universe gikan sa Puerto Rico nga sila si Dayanara Torres, Denise Quiñones, ug Zuleyka Rivera, uban nila ni Zuri Hall ug sa miyembro sa NSYNC nga si Lance Bass.

Moabot sa 116 ka mga kandidata gikan sa nagkalain-laing nasod ang magtigi alang sa korona.

Magsugod ang kompetisyon pinaagi sa pagpili sa Top 30 nga moapil sa swimsuit segment; sunod niini, pilion ang Top 12 alang sa evening gown competition, hangtod nga maabot sa Top 5 nga moagi sa question-and-answer (Q&A) portion.

-- ADVERTISEMENT --

Ipakita kini nga live dinhi sa Pilipinas karong Miyerkules, Nobyembre 25.