-- ADVERTISEMENT --

Giila sa Guinness World Records ang 42-anyos nga musikero nga Hapon nga si Manami Ito isip unang biyolinista nga nakapasundayag gamit ang usa ka kompleto nga prosthetic arm

Nawad-an si Ito sa iyang tuo nga bukton tungod sa usa ka aksidente niadtong 2004. Apan, human sa tulo ka tuig nga pagbansay, nakakat-on siya pag-usab sa pagtugtog og violin gamit ang usa ka espesyal nga artipisyal nga bukton nga kontrolado pinaagi sa mga lihok sa iyang lawas ug abaga.

Gawas sa musika, usa usab siya ka atleta sa Paralympic; diin girepresentahan niya ang Japan isip swimmer sa 2008 Beijing Paralympic Games ug 2012 London Paralympic Games.

Usa sa mga mahinungdanong higayon sa iyang karera sa musika mao ang pagtugtog og violin atol sa seremonya sa pag-abli
sa Tokyo 2020 Paralympic Games.

Matod ni Ito, ang iyang kasinatian nagpamatuod nga ang dili pag-undang—bisan pa atubangan sa mga kalisdanan—makahatag og mga oportunidad nga wala damha.

-- ADVERTISEMENT --