Gipadayag ni Presidente Ferdinand Marcos Jr. ang mga konkretong resulta sa iyang pag-apil sa 33rd APEC Economic Leaders’ Meeting sa Shenzhen, China, diin iyang giduso ang gawasnong patigayon, luwas nga supply chain ug dugang oportunidad alang sa mga Pilipino.
Giawhag usab sa Presidente ang mga miyembrong nasud sa APEC nga ilhon ang edukasyonal ug propesyonal nga kwalipikasyon sa mga Pilipino aron mas mapadali ang ilang pagpangita og trabaho sa ubang nasud.
Ingon man nga iyang gipasiugda ang pagsuporta sa gagmay ug medium nga negosyo o MSMEs, pagmugna og trabaho ug pag-abli sa bag-ong merkado alang sa mga produkto ug serbisyo sa Pilipinas.
Diin usa sa importanteng resulta sa iyang pagbisita mao ang kasabotan sa patigayon tali sa Pilipinas ug Chile.
Nakakuha usab ang Pilipinas og P41.1 bilyong investment pledges gikan sa mga kompanyang Chinese, nga posibleng makamugna og kapin 7,000 ka trabaho alang sa mga Pilipino.
Matod ni Marcos, makatabang ang maong mga kasabotan aron modaghan ang pamuhunan, molig-on ang lokal nga industriya, molapad ang patigayon ug mamugna ang mas daghang dekalidad nga trabaho alang sa mga Pilipino.











