-- ADVERTISEMENT --

Magpakatap ang Philippine National Police (PNP) og kapin sa 6,000 ka mga pulis sa Metro Manila aron masiguro ang seguridad ug suportahan ang mga commuter atol sa duha ka adlaw nga transport strike sugod karong adlawa Nobyembre 23 hangtud sa 24, 2026.

Isip kabahin sa pagpangandam, ang National Capital Region Police Office (NCRPO) molunsad og Free Ride gamit ang mga bus, trak, ug van sa pulis sa Baclaran, Paco ug Nagtahan sa Manila, Caruncho Avenue sa Pasig City, ug South Caloocan.

Sumala ni PNP Chief Police General Jose Melencio C. Nartatez Jr., ang ilang tumong mao ang pagtabang sa mga commuter nga makabiyahe samtang gitahod ang katungod sa mga trabahante sa transportasyon nga malinawong moprotesta.

Ang PNP makig-alayon usab sa MMDA ug mga lokal nga gobyerno aron mapadayon ang kahusay sa mga dagkong dalan ug mga terminal.

Ang mga pulis gi-instruksyonan nga mag-ehersisyo sa labing taas nga pagkamatugtanon ug propesyonalismo sa tibuok transport strike.

-- ADVERTISEMENT --