CEBU CITY — Gibutyag ni Cebu City South District Rep. Bebot Abellanosa nga bisan pa man og gikwestyon ang legalidad, mas gipili sa mga kauban niini sa Kongreso si Marinduque Rep. Lord Allan Velasco isip bag-ong House Speaker.
Matud ni Abellanosa nga gumikan sa mga anomalusong lakang nga gibuhat ni House Speaker Alan Peter Cayetano, nakadesider ang majority sa kongreso nga hulipan kini ni Velasco.
Gisaysay pa ni Abellanosa nga ubos sa liderato ni Cayetano kapila niini gipalabi ang mga ka-alyado niini.
Matud sa magbabalaud gikan sa Sugbo nga kapila usab gitagad ni Cayetano ang Infrastructure Proposal niini diin mas gipalabi pa ang mga ka-alyado niini, butang nga kadaghanan sa mga wala na-uyunan sa ubang mga representative lukop pilipinas.
Mahitungod usab sa 2021 proposed National Budget, gibutyag ni Abellanosa nga gi-agrabiyado usab ni Cayetano ang budget diin wala niya gipaagi sa saktong proseso.
Dugang pa ni Abellonosa nga daghan og gipang-usab si Cayetano nga lahi sa original nga General Appropriation bills.
Butang nga nagtukmod sa ubang mga representative nga kanhi nagsuporta kang Cayetano nga mobalhin og bahin ni Velasco.
Gi-atangan ni Abellonasa ang mahitabung “Special Session” karon adlawa kung unsay lakang nga himoon ni Cayetano diin nipabuhagay kini nga kini ang molingkod ug mangulo sa session bisan og gihulipan na kini ni Velasco.
Sa nahitabong panagtapok sa majority sa House of Representative nakuha ni Velasco ang House Speaker sa botar nga 186 ang pabor niini. /ekp/gn
