Gipirmahan na ni Presidente Ferdinand R. Marcos Jr. ang Republic Act No. 12028 o ang Academic Recovery and Accessible Learning (ARAL) Act.
Kini ang balaod nga magtanyag og libre ug epektibong national learning intervention program, aron maseguro nga ang tanang estudyante nga naglisod sa ilang pagtuon, ilabina sa pagbasa, matematika, ug siyensiya, makabaton sa mga katakos nga gikinahanglan alang sa ilang grado.
Ubos sa programa, ang mga estudyante gikan sa Kinder hangtod sa Grade 10 o kadtong mga recovering learners mopailawom sa tukma nga mga sesyon sa pagtudlo gikan sa mga magtutudlo kinsa nakadawat og igong pagbansay ug nagtutok sa interpersonal skills, social-emotional nga pagkat-on, katakus sa kultura, ug uban pa.
Gihatagan usab og gibug-aton ni Presidente Marcos, ang edukasyon ang labing importanteng butang nga mapasa sa kabatan-onan.
Hinungdan nga gi-umol kini arun sa kaugmaon sa nasud, nga andam, bisan unsa nga hagit nga ilang atubangon sa kinabuhi.
Ug ang ARAL Program nga ipatuman, kay nagpakita lamang sa kaandam sa nasud sa pag-atubang sa mga hagit sa edukasyon nga atubangon sa nasud sa umaabot.
