CEBU CITY-Makalingkawas na sa pag-antos sa nahiaguman sa upat ka mga trabahante sa Cebu City Hall nga nakasinati og dili makaangayonon nga pagtratar.
kini ang gipasiugda ni Cebu City Acting Mayor Raymond Alvin Garcia kalabot sa nahabilin nilang mga “unreceived salaries”.
Diin gimando sa Acting Mayor nga masolusyon sa daling panahon ang maong problema ug mabayran ang nahibiling unom ka buwan nga suholan.
Gilauman usab nga mahatag na ang sweldo sa upat sunod Lunes, Mayo 20 kung gani hatagan na og pagtugot sa konseho sa dakbayan nga magamit ang account sa miaging tuig.
Sa pagkakaron nagpaabot nalang si Garcia sa resolusyon sa Konseho apan, mipasalig kini nga lakip sa hisgutanan ang naasoy nga lakang sa agenda ugmang adlawa, Miyerkules, Mayo 15, 2024.
Sa laing bahin, nimando usab si Garcia nga imbistigahan ang “harassment” nga miresulta sa kahadlok ug kabalaka sa upat, ingon man nga miluwat og leave sa ilang buhatan tungod sa nakuhang diskriminasyon ug panghaharass.
Subay niini gitahasan niini si acting city administrator Kristine Joyce Batucan ug ang Human Resources and Development Office (HRDO) nga mohimo og imbestigasyon.
