MANDAUE CITY-Gihimo ang usa ka pinirmahay sa Memorandum of Agreement sa Adopt-An-Estero: Waterbody Program kagahapon adlawa, Biyernes Septiyembre 6, 2024.
Nagtumong ang programa sa pagtinabangay sa pagpanglimpyo sa mga sapa sa dakbayan, pag-instalar og mga garbage traps, pagpananom og mga kawayan aron pagsulbad sa problema sa pag-awas sa tubig-baha gawas sa suba.
Naglangkob ang mga partido sa maong kasabutan sama sa kagamhanang dakbayan sa Manduaue ug Sugbo, Department of Environment and Natural Resources Central Visayas (DENR-7), Environmental Management Bureau Central Visayas (EMB-7), ug sa mga kompanya nga nahimutang ang patigayon kilid sa sapa sa duha ka naasoy nga dakbayan.
Saksi sa maong aktibidad ang pipila ka mga opisyal sa naasoy nga ahensya ug ingon man sa kagamhanan sa duha ka dakbayan.
