AFP, nipasalig nga nakatutok sa pagpasiugda sa tawhanong katungod

Nipasalig ang pamunoan sa Armed Forces of the Philippines nga padayon nilang ipasiugda ang tawhanong katungod sa tanan nilang operasyon.

Gihimo ni AFP Chief of Staff, Gen. Romeo Brawner Jr. ang maong pamahayag Dungan sa pagtambong niini sa gipahigayon nga paghandom sa National Human Rights Consciousness Week.

Matod ni Brawner, duyog sa ilang pagtuman sa ilang gipanumpaang katungdanan mao ang pagpasiugda sa tawhanong katungod.

Gipahinumdoman usab niya ang iyang mga kauban sa pagsiguro nga mapatuman kini sa hustong paagi subay sa ilang mandato ug siguruhon nga nagbantay sa Konstitusyon.