CENTRAL VISAYAS-Gibutang sa alerto ang Humanitarian Assistance and Disaster Response (HADR) Teams sa Armed Forces of the Philippines Visayas Command (VISCOM) isip tubag sa pagbuto sa Kanlaon Volcano kagahapon sa Disyembre 9, 2021.
Kini ang gipahibawo ni Lieutenant General Fernando Reyeg PA, ang Commander sa AFP VISCOM, diin ilang gi-establisar ang hugot nga koordinasyon sa mga lokal nga Disaster Risk Reduction and Management Councils (DRRMCs) aron masiguro ang tukma sa panahon ug koordinasyon nga mga paningkamot sa pagtubag sa kalamidad./
Ang Pyroclastic Density Currents (PDCs), diin usa ka paspas nga paglihok nga sagol sa init nga gas, abo, ug mga tinumpag sa bulkan, naobserbahan nga nag-anod sa habagatan-sidlakang bakilid sa bulkan, ingon nga natala sa mga thermal camera ug mga kagamitan sa pag-monitor.
Diin milungtad kini og mga 7-ka minutos, ug ang pagbuto nakamugna og ashfall sa pipila ka mga lugar, lakip sa Bago City, Guintubdan, Ara-al sa La Carlota City, ug Mambukal sa Murcia, Negros Occidental.
Sa niaging buwan usab, naobserbahan nga aktibo ang bulkan ug adunay natala nga mga linog ug mas taas pa sa normal nga sulfur dioxide emissions.
Sa pagkakaron, ang Philippine Institute of Volcanology and Seismology (Phivolcs) padayon nga nag-monitor sa sitwasyon sa Bulkang Kanlaon ug kung adunay lahar tungod sa posibleng pag-ulan, andam sila base sa ilang pyroclastic specific event observation.
