PARIS OLYMPICS-Nakalusot sa quarterfinals women’s 50kg boxing sa Paris Olympics si Aira Villegas human mihimo og laing nindot nga pasundayag ibabaw sa luna nga miresulta sa pagkapilde ni Roumaysa Boualam sa Algeria sa round-of-16 sa women’s 50kg division sa 2024 Paris Olympics.
Gawas sa iyang kadaugan mamahimo kining pinaka espisyal nga regalo sa iyang ika 29 nga adlawng natawhan,diin nakapakurat sa ikaduhang seed sa weight class niadtong Huwebes didto sa North Paris Arena (Biyernes sa buntag sa Manila).
Mihatag og score ang lima ka mga judge pabor kang Villegas, kinsa nakabawi og kontrol sa duwa sa ikatulong round.
Kung kahinumduman nga si Villegas, 29, miabante sa round-of-16 human sa unanimous decision nga kadaugan batok kang Yasmine Mouttaki sa Morroco niadtong Dominggo (sayo sa Lunes sa Manila).
Sa milabayng katuigan nahimo usab nga bronze medalist si Villegas sa 2019 Southeast Asian Games, ug iyang ticket sa Paris niadtong Marso sa 1st Boxing World Olympic Qualification Tournament sa Italy.
