Gibutyag sa aktres nga si AJ Raval nga aduna na siyay lima ka anak.
Tulo sa iyang mga anak kay gipangamahan sa iyang kasamtangang partner nga si Aljur Abrenica.
Wala gihisgutan sa aktres kung kinsa ang amahan sa laing duha ka bata.
Ang unang anak usa ka 7-anyos nga babaye nga ginganlag “Ariana” samtang ang usa nga si “Aaron” kay namatay na.
Dugang pa sa aktres nga ang mga ngalan sa iyang mga anak ni Aljur mao sila si “Aikina”, “Junior”, ug “Abraham”.
Ingon man nga maayo ang relasyon sa iyang anak nga babaye sa unang anak ni Aljur kang Kylie Padilla nga sila “Axl” ug “Alas”.
Dugang pa sa sexy aktress nga nakahukom siya nga ibutyag ang iyang pagka-inahan aron matapos na ang dugay nang mga hungihong.
Giangkon niya nga sa sinugdanan, lisod ang pagka-inahan hangtod nga iyang nadiskobrehan kung unsa kini ka lingaw.
Kahinumduman nga si Jeric Raval, ang amahan sa aktres, unang mibutyag nga aduna na siyay apo kang AJ ug Aljur.
