Kusganong gihimakak ni kanhi House appropriations panel chairperson ug Ako Bicol Party-list Representative Zaldy Co ang alegasyon nga aduna siyay P13 bilyones nga insertions sa P6.3 trilyon nga national budget karong tuiga.
Giinsister niini nga ang mga isyu nga gipatungha dili lang giimbento o gimugna nga adunay klarong politikanhong motibo kondili gihimo hinuon aron sa paglibog sa publiko ug pagbalhin sa responsibilidad ngadto sa uban.
Dugang pa niini nga ang 2025 General Appropriations Act ug ang mga probisyon dili alang kaniya ang pagdesisyon tungod kay giaprobahan kini sa taas ug ubos nga balay-balauranan sa Kongreso ug gipirmahan ni Presidente Ferdinand Marcos Jr.
Ingon man nga adunay mga higayon nga ang pipila ka mga probisyon kay gi-veto ug ang mga pundo wala gipagawas.
Ang nasangpit nga alegasyon gibutyag ni Navotas Representative Tobias Tiangco kinsa mitestigo sa Senate Blue Ribbon inquiry sa isyu sa flood control projects.
Nalambigit usab si Co sa pagpagawas sa mga kontraktor nga sila si Sara ug Curlee Discaya nga gihatagan og mga pasidungog alang sa proyekto.
Niadtong panahona, si Co usa ka incorporator sa Sunwest Inc., ang ikalima nga pinakadakong kontraktor sa flood control project sa rehiyon sa Bicol.
