CEBU CITY- Giklaro ni Cebu City Councilor Jun Alcover kabahin na sa pagpanghatag sa cash assistance sa mga senior citizens karong adlawa, Oktobre 25.
Iyahang gitataw nga ang tanan makadawat sa maong ayuda subay na sa bag-ong direktiba ni Cebu City Mayor Nestor Archival nga imbes quarterly ang pagpanghatag, himuon na kini nga monthly diin opsiyal nga nasugdan karon adlawa.
Atol sa pakighinabi sa Bombo Radyo Cebu team kang Alcover, iyahang gihatagan og katin-awan nga ang tanan makadawat lakip na ang mga bag-o nga naapil sa maong assistance.
Apan, nasikbit usab niya nga wala nay klaro ang coordination ni Archival kay matod niya nagpataka lang kini og release.
Tataw niya nga ang unang napagawas ni Archival mao kadtong makadawat sa kapin 7,780 pesos, gisundan kini sa gipagawas sa OSCA nga makadawat ang tanan, hinungdan nga matod niya, naghatag kini og kalibogan sa kladaghanan.
Gikabutyag usab niya nga mas maayo nga adunay PIO ilabi na nga dako gayud ang syudad sa Sugbo.
Sa pikas bahin, nahisgutan usab ang niini ang giingong pagpasaka og kaso ngadto kang Archival kabahin sa na Colon night market, diin matod niya, lugway usa og gamayng panahon kay aduna pay napuno nga mga impormasyon, apan gisiguro niini nga aduna gayud giingong makiha.
