Nangandam na ang Filipina tennis star nga si Alex Eala sa iyang pag-apil sa round of 32 sa Miami Open.
Andam na siyang makigsangka sa Polish tennis player nga si Magda Linette.
Ang 34-anyos nga si Linette adunay career-high ranking nga 19, nga iyang nakab-ot niadtong Marso 2023.
Sa walo ka finals sa WTA tour, tulo niini ang iyang nadaog.
Nakaabot usab siya sa semifinals sa 2023 Australian Open.
Kahinumduman nga ang 20-anyos nga si Eala misulod sa round of 32 human niya gipildi si Laura Siegemund sa Germany.
Napakyas ang Filipina tennis star sa unang set, apan sa pagsulod sa ikaduha ug ikatulo nga rounds, gipakita niya ang iyang pagkaagresibo.
Ang duwa tali sa duha mahimong isipon nga rematch tungod kay nag-atubangay sila niadtong Enero sa Auckland ASB Open.
