Makigsangka ang Filipina tennis star nga si Alex Eala batok sa Amerikanang si Mary Stoiana sa unang hugna sa 2026 US Open.
Si Eala, nga kasamtangang world No. 18 ug No. 17 seed sa torneo, giisip nga paborito batok kang Stoiana nga anaa sa world No. 122.
Ang 23-anyos nga si Stoiana nakaabot sa main draw human makadaog sa tulo ka qualifying matches batok kang Harmony Tan, Katie Swan, ug Yue Yuan.
Dili na usab bag-o sa duha ang ilang panag-atubang.
Gipildi na ni Eala si Stoiana sa ilang unang engkwentro niadtong 2024 sa usa ka ITF W100 tournament sa Pennsylvania.
Ang duha mag-atubang sa Lunes, Agosto 31, oras sa Pilipinas, sa USTA Billie Jean King National Tennis Center sa Flushing Meadows, Queens, New York.
Para kang Eala, usa kini sa mga importanteng duwa sa iyang pagbalik sa US Open, diin nakahimo siya og kasaysayan niadtong miaging tuig isip unang Filipina sa Open Era nga nakadaog og Grand Slam main-draw singles match.
