-- ADVERTISEMENT --
Nakasulod sa Round of 32 sa Cincinnati Open ang Filipina tennis star nga si Alex Eala human miretiro o mi-atras si Romanian tennis player Elena-Gabriela Ruse tungod sa injury.
Nanguna si Eala, 6-1, 3-0, sa dihang mihunong si Ruse sa ilang Round of 64 match.
Sa wala pa ang pagretiro ni Ruse, temporaryong gisuspenso ang duwa tungod sa dili maayo nga panahon, lakip ang kusog nga ulan ug mga paglatigo sa kilat.
Sa unang set, kontrolado ni Eala ang duwa ug nakakuha og 6-1 nga bentaha.
Samtang sa ikaduhang set, nakapanguna siya og 3-0 sa wala pa mipahibalo si Ruse nga dili na niya ipadayon ang duwa tungod sa iyang injury.
-- ADVERTISEMENT --
Tungod niini, nakaabante si Eala sa ikatulong round sa WTA 1000 tournament.
