Subling makigsangka ang Filipina tennis star nga si Alex Eala kang Donna Vekic sa Croatia sa usa ka duwa.
Kini ipahigayon sa Kooyong Classic sa Melbourne, Australia.
Napildi na kaniadto ni Eala si Vekic sa ASB Classic sa Auckland human sa usa ka makasaysayanong comeback win nga natapos sa score nga 4-6, 6-4, 6-4.
Ang Kooyong Classic usa ka prestihiyosong invitational tournament nga gitambongan sa mga piniling top players isip pagpangandam alang sa Australian Open.
Lakip sa mga partisipante mao ang kanhi world no. 5 nga si Daniela Hantuchova, ang Australian bet nga si Priscilla Hon, ug ang mga dagkong men’s players sama nila ni Alexander Zverev, Alexander Bublik, ug Nick Kyrgios.
Alang kang Eala, usa ka maayong oportunidad kini aron mapalig-on pa ang iyang dula sa dili pa ang iyang unang pag-apil sa main draw sa Australian Open.
Gilauman usab nga ang rematch batok kang Vekic, usa ka lisod nga duwa nga magpamatuod sa paspas nga pagsaka ni Eala sa international tennis scene.
