Gipaambit sa abogado ni Dismissed Bamban Tarlac Mayor Alice Guo nga si Atty. Nicole Jamilia nga gikonsiderar pa sa napalagpot nga mayor kon mo-file ba kini og kandidatura alang sa 2025 National ug Local elections.
Matod ni Atty. Jamilia, nga gihuna-huna ni Guo kung unsa ang mahitabo sa iyang pag-file sa Certificate of Candidacy alang sa sunod nga piniliay karon nga siya natanggong.
Gawas niini, giingong gikonsiderar usab ni Guo ang mga “unresolved issues” nga nabiyaan sa Bamban, Tarlac, nga iyang gipangunahan kaniadto ug ang mga residente nga mihatag kaniyag daghang suporta hangtod karon.
Samtang, matod sa tigpamaba sa Bureau of Jail Management and Penology, Supt. Jayrex Bustinera, kung makahukom si Guo nga mo-file sa kandidatura ug adunay kamandoan sa korte, ilang buhian si Guo ug sigurohon nga luwas ang proseso.
Kahinumduman nga si Comelec Chairman George Erwin Garcia niingon nga basi sa balaod, mahimo pa nga maka-file og COC si Guo.
