Personal nga mitambong si dismissed Bamban, Mayor Alice Guo uban sa iyang legal counsel nga si Atty. Stephen David sa pagdungog sa iyang kaso sa deportasyon sa Bureau of Immigration (BI).
Diin gihangyo sa BI si Guo nga pamatud-an nga sayop ang findings sa National Bureau of Immigration (NBI) nga siya usa ka Chinese national ug dili Filipino.
Si BI Board of Special Inquiry Chairman Gilbert Repizo kay personal nga niisyu sa maong direktiba ngadto kang Guo diin gihatagan siya og 15 ka adlaw nga trabaho aron hagiton ang findings sa NBI uban sa expert testimony o opinyon.
Kahinumdoman nga ang deportation case ni Guo nag gikan sa gipahigayon nga pagtuki sa NBI sa fingerprint ni kanhi mayor ug Chinese passport holder Guo Hua Ping, diin usa ra ka tawo ang gibutyag.
Agi’g tubag, ang abogado ni Guo nisumiter og memorandum ngadto sa board nga nagkanayon nga depekto ang eksaminasyon sa NBI.
Gitumbok ni Atty. David nga kinahanglang mohimo og deportation proceedings ang BI kon makahukom ang korte nga fraudulent o peke ang birth certificate ni Guo.
