CEBU – Kanunay nga makasinati ang mga babaye og impeksyon sa urinary tract ug kanunay usab nga nag-inom matag adlaw og antibiotic aron kini mapugngan.
Apan sumala sa usa ka bag-ong clinical trial, ang usa ka karaan nga alternatibo sa antibiotic mahimo’g magamit pag-usab.
Nakaplagan sa mga tigdukiduki nga ang tambal, nga gitawag ug methenamine, ikatandi sa standard, ubos nga dosis nga antibiotics sa pagpugong sa balikbalik nga urinary tract infections (UTIs) sa kababayen-an.
Duagy na nga gigamit nga tambal ang methenamine nga moepekto pinaagi sa paghimo sa ihi nga labi ka acidic ug pagpahunong sa pagtubo sa bakterya.
Gipakita sa mga pagtuon nga makapugong kini sa mga balikbalik nga UTI, apan dili kini kaylap nga gigamit.
Matod pa ni Dr. Karyn Eilber, usa ka urologist sa Cedars-Sinai Medical Center sa Los Angeles, ang naasoy nga karaan nga tambal, wala mahibal-i sa daghang mga doktor karon.
Komon nga sakit ang UTI og mahimong makaapekto ni bisan kinsa, apan ilabi nang kaylap sa kababayen-an.
Lakip sa sintomas niini, ang grabeng kainiton matag pangihi ug pagbati sa usa ka kusog, padayon nga pag-aghat sa pag-ihi.
