America, gihimakak nga aduna’y kalabotan sa kalit nga pag-atake sa Ukraine sa Russia

Gipanghimakak sa Estados Unidos ang pagkalambigit sa kalit nga pag-atake sa Ukraine sa rehiyon sa Kursk sa Russia.

Kini nunot sa pamahayag ni Hawkish Kremlin aide Nikolai Patrushev nga ang North Atlantic Treaty Organization ug ang West giingong nalambigit sa pagplano sa pag-atake sa mga sundalong Ukrainiano sa Kursk nga nagsugod niadtong Agosto 6.

Giinsister ni Petrushev, ang Ukraine dili mohagit sa pagsulong sa teritoryo sa Russia kung ang NATO ug ang mga espesyal nga serbisyo sa kasadpan dili mangilabot ug mosuporta.

Samtang, si Russian parliamentary deputy Mikhail Sherement nipasidaan nga ang pagpanghilabot sa mga langyaw nga nasud sa gubat tali sa Ukraine ug Russia posibling makamugna og laing gubat sa tibuok kalibutan.