Malampusong nakakatkat sa skyscraper sa Taiwan si American climber Alex Honnold nga walay bisan unsang pisi, harness o kagamitan sa kaluwasan.
Ang Taipei 101 nga building may gitas-on nga 1,667 ka feet ug hinimo sa asero, bildo ug konkreto.
Nailhan si Honnold nga mao ang unang tawo nga nakasaka sa El Capitan nga walay bisan unsang pisi o kagamitan sa kaluwasan, nga adunay gitas-on nga 3,000-ka-feet nga granite cliff sa Yosemite National Park sa California.
Nasayran nga ang pagsaka unta gihimo niini sa Taipei kay niadtong Sabado apan gi-postpone usa ka adlaw tungod sa ulan.
Nahuman niya ang pagsaka sulod sa usa ka oras ug 31 ka minuto, ug nagkuha og selfie sa ibabaw.
Gipahalipayan siya ni Bise-Presidente sa Taiwan nga si Hsiao Bi-khim, kinsa nagpasidaan kaniya nga mamahimo kining masakitan kon mosaka siya.
Si Alain Roberts ang unang nakasaka sa Taipei 101, ug nahuman sulod sa upat ka oras.
