Nitingong na ang aktres nga si Andrea Brillantes sa isyu bahin sa giingong panaglalis nila sa iyang suod nga higala nga si Bea Borres, lakip na ang rason sa iyang desisyon nga i-block kini sa social media.
Matod ni Brillantes, dugay na silang wala nagkaistorya ni Borres.
Bisan pa niini, wala na niya palawma o idetalye ang hinungdan sa ilang giingong dili pagsinabtanay.
Gidugang niini, nga posibleng nagsugod ang isyu human siya mibiya og komento sa usa ka TikTok post nga nakadawat og dakong pagtagad gikan sa mga netizen.
Gikumpirma usab niya nga nakahisgot na sila ni Bea bahin sa maong isyu pinaagi sa pribadong panag-istorya.
Bisan pa sa nahitabo, gipasiugda ni Andrea nga padayon gihapon ang iyang paghigugma ug pagpakabana sa iyang higala.
Sa miaging bulan, giangkon ni Bea nga iyang gi-block si Andrea sa social media aron dili makita sa aktres ang iyang mga content kauban ang kanhing uyab nga si Meray Yamada.
