Gikatakdang ibalik sa kagamhanang dakbayan sa Sugbo ang programa niining “Animal Adoption Day”.
Kini ang gipadayag ni Dr. Alice Utlang, ang pangu sa Cebu City Department of Veterinary Medicine and Fisheries (DVMF) diin gitataw niini nga magkataas ang ihap sa animal adoption cases sa ilang buhatan.
Gumikan niini, plano sa DVMF ang Animal Adoption Day diin ang mga personahe sa maong buhatan kay ipresentar ang mga rescued nga mga kahayupan sama sa iring (cat) ug iro (dog) sa lain-laing opisina sa gobyerno.
Ang mga for-adoption nga mga hayup kay kato lang nakapasasr sa health assessment aron himsog nga maka-adopt ang mga pipila ka mga indibidwal igo para pagpakunhod sa gidaghanan nga anaa sa impound sa DVMF.
Dugang sa opisyal nga ila pud nga i-evaluate ang mga indibidwal nga mu-adopt aron pud ilang masiguro nga mapahiluna sa maayong panimalay ang mga adopted pets.
Panawagan pud niini nga unta ma-adopt usab ang mga Aspin (Asong Pinoy) kontra mga pure breeds lamang ang panggaon ug buhion.
Sa pagkakaron, sukad sa pagsugod karong tuiga kay aduna nay natalang 16 ka mga iro ang na-adopt gikan sa DVMF og gipanglantawang mutaas pa kini.
