CEBU – Maghimo ug pagsusi si Cebu City Councilor , Atty. Rey Gealon sa usa ka nasudnon nga balaud nga Anti-Hospital Detention Law, diin dili mahimo nga i-hold ang mga pasyente nga aduna pa’y balanse sa ospital.
Gibutyag pa sa konsehal nga susihon niini kung unsa ang iyahang mahimo nga maka-supplement sa maong balaud arun nga masilotan ang mga ospital nga susamang nag-priso sa mga pasyente gumikan kay wala pa makabayad o adunay balanse, diin sagad kini mahitabo sa mga pribado nga ospital.
Nasayran ni Atty. Gealon nga adunay mga ospital nga nag-hold sa ilahang mga pasyente nga wala pa makabayad hinungdan nga musamot kadako ang ilahang hospital bills.
Gani, aduna pa’y pipila ka dili mudawat ug pasyente kung wala’y ikahatag nga downpayment, butang nga gidili sa naasoy nga balaud.
Subay niini, gisiguro sa opisyal nga iyaha gayud kining susihon ug magbuhat ug igong lakang batok sa mga ospital nga maglisod-lisod sa mga pasyente.
