Gibasura sa International Criminal Court (ICC) Appeals Chamber ang ikatulong basehanan sa apela nga gisang-at sa kampo ni kanhi Presidente Rodrigo Duterte gahapong adlawa Miyerkules, Abril 22.
Diin sa maong apela, gikuwestiyon sa kampo ni Duterte ang hurisdiksyon sa ICC sa kaso sa kanhi presidente.
Ingon man nga gisuportahan sa Appeals Chamber sa ICC ang naunang desisyon nga ang korte adunay hurisdiksyon sa kaso ni kanhi Presidente Rodrigo Duterte.
Atol sa hearing, ang korte miingon nga “The appeals chamber by majority… has rejected all four grounds of appeal. Having rejected the entire appeal, the appeals chamber considers that the defense’s request for unconditional release of Mr. Duterte is moot.”
Tungod niini, gideklarar usab sa korte nga ang hangyo sa depensa alang sa diha-diha ug walay kondisyon nga pagpagawas kang Duterte dili na balido o “moot”
Apan, unang nipadayag si Atty. Nicholas Kaufman, abogado ni kanhi Presidente Rodrigo Duterte, nga masaligon sila nga suportahan sila sa International Criminal Court (ICC).
Matud pa sa abogado nga “THE LAW IS FIRMLY ON OUR SIDE,” ug namatikdan nga sa 2023, adunay mga huwes sa ICC nga giingong mipabor sa ilang argumento bahin sa hurisdiksyon.
