-- ADVERTISEMENT --
Gipahinumdom sa pangu sa Catholic Bishops’ Conference of the Philippines ang dakong gugma sa Ginoo sa katawhan diin gihalad ang iyang kinabuhi pinaagi sa paglansang sa krus aron sa pagluwas sa matag usa kanato sa atong mga sala.
Kini ang mga pulong nga gipaambit ni His Excellency, Archbishop Gilbert Garcera, D.D. sa iyang mensahe sa pag-obserbar sa Palm Sunday, nga timaan sa pagsugod sa Semana Santa.
Matud sa Arsobispo na angayan lang nga atong pamalandongan ang dakong grasya sa gugma sa Diyos nga taliwala sa kasamtangang gubat sa Middle East, ang matag usa kanato makabati nga ang Diyos mao ang tinubdan sa kalinaw.
Midapit usab kini sa katawhan nga mouban kang Hesus ning pagsugod sa holy week hangtud sa iyang pagkabanhaw.
