Asawa sa Prime Minister sa Spain, gidid-an sa korte nga mogawas sa nasod tungod sa kasong korapsyon

Gimandoan sa korte sa Spain si Begoña Gómez, ang asawa ni Prime Minister Pedro Sánchez, nga i-surender ang iyang passport.

Ingon man nga gidid-an usab kini nga mogawas sa nasod samtang nagpaabot sa iyang atubangon nga pagdungog tungod sa mga seryosong sumbong sa korapsyon.

Gawas sa maong travel ban, gimandoan usab ni Judge Juan Carlos Peinado si Gómez nga kinahanglang magpakita sa korte kaduha matag bulan.

Hinuon, gipanghimakak ni Gómez ang tanang akusasyon. Matod pa usab sa iyang bana nga si Prime Minister Pedro Sánchez, ang maong mga sumbong walay basehanan ug gigamit lang sa mga kaatbang sa politika aron gub-on ang ilang administrasyon.