Giawhag ni kanhi presidential spokesperson Harry Roque ang Qatari government sa pagpakita og maximum tolerance ngadto sa mga Filipino nga nasikop sa nasud bag-o lang.
Una nang gikompirmar ni Department of Foreign Affairs (DFA) Undersecretary Eduardo de Vega nga 20 ka mga Filipino ang nasikop, diin usa niini ang nakagawas na samtang 19 ang nagpabilin sa kustodiya sa Qatar police station.
Gitataw ni Roque nga ila lang gipakita ang ilang gugma kang kanhi Presidente Rodrigo Duterte nga natanggong karon sa The Hague.
Dugang pa sa kanhi Duterte appointee, nga dili lang nila madawat ang kamatuoran nga ang kanhi presidente anaa karon sa The Hague isip piniriso sa Westernern authorities.
Samtang, ang prosekusyon nipasalig nga ang mga demonstrasyon ug rally nga gihimo sa mga dumadapig ni Duterte dili makaapekto sa pag-uswag sa kasong crimes against humanity nga iyang giatubang sa International Criminal Court (ICC).
Gawas sa prayer rallies ug motorcades nga gipasiugdahan sa nagkadaiyang dapit sa Pilipinas, gipahigayon usab kini sa ubang kanasuran inabagan sa mga Pilipino nga padayong nagsuporta sa kanhi presidente.
Bisan ang mga Pilipino sa Europe nag-organisar og panagtapok atubangan sa International Criminal Court aron sa pagpakita sa ilang suporta kaniya.
