Giila ni Presidente Ferdinand “PBBM” Marcos Jr. ang dakong kontribusyon sa komunidad sa mga Pilipino sa pagpalig-on sa relasyon sa Pilipinas ug Japan atol sa iyang pakigtagbo sa mga Pilipino sa Imperial Hotel sa Tokyo.
Mainiton nga gidawat sa komunidad sa mga Pilipino ang Presidente ug ang iyang delegasyon, nga gilangkuban sa nagkalain-laing mga miyembro sa Gabinete.
Sa iyang pakigpulong, gipasalamatan ni Marcos ang suporta ug mga sakripisyo sa mga Pilipino nga nagtrabaho ug nagpuyo sa Japan.
Gipasalig usab sa Presidente nga ang gobyerno magpadayon sa mga paningkamot niini sa pagpanalipod sa kaayohan, katungod, ug kaluwasan sa mga Pilipino sa gawas sa nasud pinaagi sa pagpalapad sa mga serbisyo sa Embahada ug Konsulado, lakip na ang pag-abli sa mga opisina sa SSS ug PAG-IBIG sa Japan.
Giawhag usab sa PBBM ang kapin sa 300,000 ka mga Pilipino sa Japan nga magpabiling nahiusa, mosunod sa balaod, ug magmapasigarbuhon sa kulturang Pilipino samtang padayon nga makahatag og makahuluganon nga mga kontribusyon sa komunidad ug sa pagpalambo sa usa ka Bag-ong Pilipinas.
