Gipadayag ni House private prosecutor Atty. Lorna Kapunan, ang iyang suporta ug depensa alang sa mga public prosecutor taliwala sa mga hulga ug mga kaso nga ilang giatubang.
Matod ni Atty. Kapunan, maisog ug walay kahadlok ang mga prosecutor; ang mga hulga o nag-ung-ong nga mga kaso batok kanila dili makapugong kanila sa pagpangita sa kamatuoran ug pagbutyag niini batok sa mga gamhanan.
Gipahayag niya nga bisan pa man nga adunay nagkadaiyang mga kaso, sama sa paglapas sa mga balaod sa bank secrecy, cyber libel, ug Anti-Money Laundering Act (AMLA), nga gipasaka batok kanila, wala kini hinungdan nga moatras sila o magduha-duha sa ilang mga baruganan.
Gipadayag usab ni Kapunan ang dakong garbo sa pagbarog isip pribadong prosecutor uban niadtong iyang gihulagway nga mga “giants among prosecutors.”
Sa pagtapos, nagpadala siya og mensahe ngadto sa mga naningkamot sa pagpugong kanila, nga nagpahayag nga walay makapugong kanila ug naghagit nga “bring it on” kon aduna may mosulay sa pagpasaka og dugang mga kaso batok kanila.
