Nangatarungan ang defense team ni VP Sara Duterte nga ang ‘probable cause’ nga nakita sa House Justice Committee sa duha ka impeachment complaints, wala magpasabot nga ang bise presidente ‘sad-an’.
Sa usa ka interbyu sa Bombo Radyo uban ni Atty. Michael Poa, tigpamaba sa defense panel, iyang gipasiugda nga ang pagkakaplag og probable cause nagpasabot lamang nga ang mga miyembro sa komite mipili nga ipadayon o ipasa ang kaso sa plenaryo.
Miingon siya nga wala kini magpasabot nga ang bise presidente sad-an, adunay liability, o guilty.
Gdiugang usab siya nga ang desisyon sa komite dili ikatingala, labi na kay ang kampo sa bise presidente nagdahom na nga ang kaso mopadayon sa usa ka hingpit nga husay sa Upper House sa Kongreso.
Sa laing bahin, gibarugan usab sa defense team nga dili tukma ug dili legal ang mga hearing nga gihimo sa justice panel sa impeachment case batok sa Bise Presidente.
Mahinumduman nga nikabat og upat ka hearing sa wala pa ang mga miyembro sa komite sa katapusan mibotar ug nakakita og probable cause sa duha ka reklamo batok kang VP Sara.
Sumala ni Poa, ang panel padayon nga nagbarog sa ilang baruganan, nga kaniadto gipaabot sa Korte Suprema pinaagi sa usa ka petisyon aron ihunong ang mga hearing.
