Gibutyag ni kanhing presidential spokesperson Atty. Harry Roque nga adunay giingong nagbudhi o nagluib kang Senador Ronald “Bato” dela Rosa.
Gihimo ni Roque ang pamahayag pinaagi sa usa ka post online human mikaylap ang mga hungihong nga nadakpan ang senador may kalabotan sa warrant of arrest nga gi-isyu sa International Criminal Court (ICC).
Niadtong Martes, Agosto 4, mipatik si Roque sa iyang social media account og mensahe nga, “Adunay usa nga nagbudhi kang Bato.”
Apan wala pa siya naghatag og dugang detalye o naghingalan kung kinsa ang iyang gipasabot.
Samtang, gipanghimakak sa National Bureau of Investigation (NBI), Philippine National Police (PNP), ug Department of the Interior and Local Government (DILG) ang mga hungihong nga nadakpan na si Dela Rosa.
Matod sa mga ahensya, wala silay opisyal nga impormasyon o kumpirmasyon bahin niini.
Si Dela Rosa usa sa mga indibiduwal nga ginganlan sa International Criminal Court may kalabotan sa imbestigasyon sa giingong crimes against humanity nga may kalabutan sa kampanya batok sa ilegal nga droga sa administrasyong Duterte.
