Nipadayag ang gobyerno sa Australia, pinaagi ni Home Affairs Minister Tony Burke, nga ilahang pahugton ang mga lagda sa visa aron makuhaan ang gidaghanon sa mga imigrante sa maong nasod.
Ubos sa bag-ong mga patakaran, gidili na alang sa mga langyawng estudyante ang pagdala sa ilahang kapikas ug mga anak samtang nag-eskwela didto.
Giisip usab nga target sa pagpahiuli sa mga balaod ang pagpawala sa “visa hopping,” o ang pagbalhin-balhin sa klase sa temporaryong visa aron lang makapadugay sa pagpuyo.
Dugang pa ni Burke, kadtong mga molapas sa gidugayon sa ilahang working holiday visa mag-atubang og mas gipahugot nga pagpatuman sa balaod, diin ibalik ang karaang polisiya nga pagahatagan ra sila ug duha ka semana nga molahos sa paggawas sa nasod sa dili pa ipatuman ang pagdetenar o pagpabalik kanila sa ilahang pinuy-anan.
Ilang gibug-atan nga ang mga temporaryong bisita kinahanglang mopauli kon nahuman na ang gidugayon sa ilahang gihuptang visa.
Sumala sa pakipulong ni Burke sa National Press Club sa Canberra, ang maong lakang gituyo aron paghatag og higayon nga makagawas ug makasabay anghousing sector sa nasod sa pagsaka sa populasyon, bisan pa man kon iyang gipatin-aw nga dili ang mga imigrante ang hinungdan sa krisis sa niini.
