Nagpadayon ang panag-away sa Habagatang Lebanon bisan pa sa pagdawat sa Israel ug Hezbollah sa plano sa ceasefire nga gisugyot sa Estados Unidos.
Sumala ni US President Donald Trump, ang duha ka habig miuyon sa usa ka ceasefire human kini nakigsulti sa ilang mga representante.
Gikataho nga gidawat usab sa Hezbollah ang kasabutan nga mohunong sa pag-atake sa Israel baylo sa dili pag-atake sa Israel sa Beirut.
Ingon man nga gikumpirma ni Israeli Prime Minister Benjamin Netanyahu ang kasabutan apan nagpasidaan nga magpadayon ang mga pag-atake kung ang Hezbollah dili mohunong sa pag-target sa mga lungsod ug sibilyan sa Israel.
Bisan pa niini, ang Hezbollah miingon nga naghimo kini og mga pag-atake gamit ang drone ug artilerya batok sa mga sundalong Israeli, samtang ang Israel nagtaho nga naka-intercept og duha ka projectile gikan sa Lebanon.
Adunay usab mga bag-ong airstrike sa Israel sa habagatang Lebanon.
Nagpasidaan usab ang Iran nga ang bisan unsang paglapas sa hunong-buto sa Lebanon isipon nga paglapas sa kasamtangang kasabutan tali sa Iran ug Estados Unidos.
Samtang, giinsistir ni Trump nga ang diplomasya nagpadayon ug ang kasabutan sa hunong-buto nagpabilin nga epektibo.
