Nakasugod na sa pagpang-apod sa pinansyal nga ayuda para sa mga biktima sa 2021 Super Typhoon Odette sa dakbayan sa Carcar sa habagatang Sugbo ang buhatan sa National Housing Authority (NHA) niadtong Miyerkules, Disyembre 10, 2025.
Ang pag-distribut sa financial assistance kay gipahigayon sulod sa tulo ka adlaw nga gisugdan sa Barangay Poblacion 1 sa dakbayan sa Carcar diin matag apektadong pamilya kay nadawat sa P10,000 gikab sa Emergency Housing Assistance Program sa NHA.
Kahinumduman nga ang NHA nag-alokar sa P742-milyones para sa mga biktima sa Bagyong Odette apan nauli kini sa National Treasury human wala nagkasabot ang buhatan ug kanhi administrasyon ni former Governor Gwendolyn Garcia kung unsaon pagpaimplementar kini.
Gani niadto pang Nobyembre 18, si Cebu Governor Pamela “Pam” Baricuatro mipadlaa og suwat kang NHA General Manager Joeben Tai sa pag-apelar sa grant para ma-reallocate kini balik sa mga Sugbuanong nawad-an og panimalay niadtogn Disyembre 2021.
Ingon man sa maayong balita, giaprobahan kini nga sugyot ni Baricuatro subay na sa pagtugot ni Presidente Ferdinand “Bongbong” Marcos Jr. nga karong buwana ma-release ang pundo.
Sumala sa NHA, ang dakbayan sa Carcar ang unang LGU unit nga nakadawat sa ayuda tungod kay sila ang unang nakasumiter og kumpletong lista sa ma benepisyaryo.
Giabagan sab sa Kagamhanang Lalawigan sa Sugbo ang han-ay nga pag-apod-apod sa ayuda pinaagi sa pagpadala og dugang personahe niini.
