Naangol ang usa ka babaye human kini pusila sa kaugalingong ka live-in partner sa Barangay Polog sa lungsod sa Consolacion sa amihanang bahin sa Sugbo kagahapon sa hapon pasado alas 3:30 adlaw sa Miyerkules, Abril 4, 2025.
Giila ang biktima nga si Leslyn Romero Miñoza, 44-anyos ug lumulupyo sa bukirang barangay sa Cabangahan sa samang lungsod.
Samtang ang suspek sa krimen kay ang ka live-in partner niini nga si Gaudioso Canoog Jr., 35-anyos ug lumulupyo sa samang dapit.
Base sa inisyal nga imbestigasyon sa kapulisan sa maong lungsod nga lalis magti-ayon ang hinungdan nga misangpot sa paghulbot sa armas sa suspek og mipusil sa biktima dayon daling miikyas sa panghitabo.
Daling gidala ang biktima sa pinakaduol nga tambalanan alang sa pagdalit og atensyong medical samtang padayon pa sa paglusad sa hot pursuit operation.
