CEBU CITY-Giduso sa usa ka konsehal sa kagamhanang dakbayan sa Sugbo ang pagpalapad sa septage regulation sa syudad nga langkoban na sa piggery ug poultry farms ingon man sa pagpahamtang niini og silot sa mga dili motuman sa balaod.
Gisugyot kini ni Cebu City Councilor Joel Garganera sa nakalabayng regular session sa konseho sa dakbayan diin tinguha niyang usbon ang pipila ka mga nakalatid nsa seksyon sa City Ordinance No. 2398 o Cebu City Septage Management Program.
Nipasabot ang konsehal nga tinguha niyang nga maapil sa regulasyon ang piggery ug poultry farms diin gikinahanglan nga ang kini nga klase sa patigayon kay magbutang og mga septic tanks ug mukuha og septage permit.
Base kini sa rekomendasyon sa Septage Waste Management Board nga nagpasiugda sa unregulated septage waste management sa daghang backyard hog pen ug poultry farms sa dakbayan, partikular na sa mga bukirang barangay.
Matod pa nga ang ing-ani nga klase sa kalihokan kay nakahatag og peligro sa kinaiyahan ug panglawas dili lamang sa mga lumulupyo sa dapit aapan apil na sab ang mga suba og mga agianan sa tubig.
