CEBU – Gipakita sa usa ka eksperimento nga adunay maayong epekto ingon man makapakunhod sa tics sa mga batan-on nga adunay Tourette syndrome, ang ecopipam.
Makapakunhod ang ecopipam, usa ka tambal nga pakyas isip weight loss medication, sa tics ngadto sa 30% sa mga bata ug teenagers nga adunay Tourette ingon man wala kini seryosong side effects.
Sigon pa ni lead researcher Dr. Donald Gilbert, usa ka pediatric movement disorders ug Tourette syndrome specialist sa Cincinnati Children’s Hospital, nga ang maong tambal mas maayo itandi sa placebo ug walay side effects nga nalangkit sa ubang mga aprobado nga mga tambal nga hinungdan sa pagtaas sa timbang ug mga epekto sa neuropsychiatric sama sa mood changes ug unwanted movements.
Gihulagway ang Tourette syndrome nga usa ka neurological disorder nga moresulta sa motor ug verbal tics.
Kini mao ang balik-balik nga mga lihok ug vocalization sama sa pagpamilok, pagkihoy, pag-igham o paglitok sa usa ka pulong o hugpong sa mga pulong diin ang maong mga lihok ingon sa lisud kaayo makontrol.
Gisugyot sa ubang pagtuon nga ang mga problema sa dopamine, usa ka neurotransmitter sa utok, nalangkit sa Tourette, ug ang D1 dopamine receptors mao mamahimong yawe.
Gitino sa mga tigpanukiduki nga walay sa tambal sa merkado alang sa bisan unsang butang nga nagbugkos ug makababag sa maong receptor apan kung maaprobahan ang Ecopipam mahimong malahi na ang paagi sa pagtambal sa mga tics ug uban pang mga problema sa utok.
