Nakasinati og pagbaha ang walo ka lungsod sa Cagayan ug Tuguegarao City bisan pa man nga wala na nag-ulan sa mao nga Lugar.
Gitino ni Rueli Rapsing, hepe sa Provincial Disaster Risk Reduction Management Office (PDRRMO), nga ang pagbaha sa tubig nga midagayday gikan sa kabukiran sa Isabela, Nueva Vizcaya, ug Quirino, tungod sa Bagyong Nika.
Dugang pa ni Rapsing nga usa ka kusog nga baha ang miigo sa lungsod sa Gonzaga human napakyas ang usa ka water impounding project, samtang ang tubig gikan sa kabukiran midagayday paingon sa kabalayan sa Baggao.
Gi-report usab niya ang managlahing insidente sa pagkalumos sa Amulung, nga naglambigit sa usa ka 18-anyos ug usa ka 42-anyos nga lalaki nga miadto sa suba aron mangolekta og driftwood.
Ang mga otoridad nagpahigayon og retrieval operations alang sa mga biktima.
Samtang ang mga apektadong lugar naglakip sa Tuguegarao City, Enrile, Solana, Amulung, Alcala, Baggao, Gattaran, Gonzaga, ug Allacapan.
Gipahayag ni Rapsing nga kapin sa 1,000 ka pamilya, o kapin sa 5,000 ka indibidwal, ang nibakwit tungod sa baha.
Daghang mga taytayan ug mga dalan ang dili maagian sa mga lugar nga naapektuhan sa baha.
