Gipadala na ngadto kang Presidente Ferdinand Marcos Jr. ang balaodnon nga nagpalugway sa termino sa mga napiling opisyal sa Barangay ug Sangguniang Kabataan.
Gikumpirmar kini ni Senate President Sherwin Gatchalian human giaprobahan sa Senado ug sa House of Representatives ang maong lakang.
Mipadayag og mipasalig si Gatchalian nga pirmahan kini sa Presidente aron mahimong balaod.
Naglaum usab ang Senate President nga pirmahan ni Marcos ang balaodnon karong semanaha.
Wala na moagi sa bicameral conference ang maong lakang human gisagop sa House of Representatives ang bersyon nga giaprobahan sa Senado.
Subay sa balaodnon, planong i-postpone o i-sibog ang eleksyon sa Barangay ug Sangguniang Kabataan (BSKE).
Gikatakda unta sa Nobyembre 2, ang BSKE, apan mas malangan pa kini sa higayon nga mahimo nang balaod ang maong balaodnon.
