Mga kabombo, motuo ba mo og engkanto?
Kay diay usa ka 33-anyos nga lalaki nga taga General Santos City nga gipasanginlan ang dili ingon nato nga maoy nagsunog sa iyang balay niadtong Enero 17 pasado alas-9 sa Purok Nopol, Barangay Conel.
Dako ang katingalahan ni Alyas Reggie, ang tag-iya sa maong panimalay nganong nasunog ang ilang balay tungod kay wala man unta silay nabilin nga mga gidagkutan nga kandila ug lutuan nga maoy hinungdan sa sunog.
Ingon man nga dili usab mamahimong kuryente ang hinungdan sa sunog gumikan wala pay linya sa elektrisidad ang ilang panimalay.
Busa, daku ang pagtuo niini nga gibinuangan sila sa engkanto ug gisunog ang iyang balay nga posibleng rason nganong midilaab kini.
Dugang pa bugtong cellphone, beste nga gisuot niini ug ang iyang kaipon lang ang naluwas sa maong sunog.
