Gipaubos ang mga volunteers sa Bantay Dagat sa Mandaue City Agriculture Office sa Water Search and Rescue (WASAR) training ubos sa Marcelo Fernan Bridge, nga gipasiugdahan sa City Disaster Risk Reduction and Management Office (CDRRMO) niadtong Huwebes, June 11, 2026.
Matud ni Mandaue City Agriculturist Sharon Mangadlao, nga gawas sa papel sa Bantay-Dagat sa pagmonitor sa mga ilegal nga kalihokan sa kadagatan, kini nga training makatabang sa mga volunteers nga mamahimong hanas sa pagluwas sa kinabuhi, hilabi na sa panahon sa emerhensiya.
Sigon niini nga dili paigo nga kamao lang ka sa paglangoy, apan gihimug-atan niini nga mahinungdanon ang susaman nga mga technical training hilabi na sa katubigan aron mas dali nga maluwas ang mga biktima hilabi na sa kadagatan.
Dugang pa niini nga pinaagi sa maong kalihokan, malikay usab ang mga casualty og ang possible usab nga pagkabiktima sa mga rescuers sa mismong panahon sa emerhensiya gumikan lang sa ka walay alamag sa pagluwas.
Gikuhaan usab ug base ang pagpahigayon sa maong Water Search and Rescue training ang nahitabo usa ka student-athlete nga si Rene Baterbonia, nga nakalas human gidudahang adunay mga iregularidad sa pagpahigayon og training sa ilang Basketball team ngadto sa Balir, Aurora.
Matud ni Mangadlao, nga og aduna lay kahibalo ang mga indibidwal sa pagluwas nga anaa sa panghitabo, mas dali unta maluwas ang biktima sa mismong panghitabo.
