MANDAUE CITY – Gipaubos na sa ‘state of calamity’ ang Barangay Casuntingan, dakbayan sa Mandaue human nga miigo ang dakong sunog kagahapong adlawa.
Gipahibalo ni Casuntingan Barangay Kapitan Oscar Del Castillo nga nakatigom sila ug P874,000 isip calamity fund ug mao kini ang ilahang gamiton alang sa pag-ayuda sa gikinahanglan sa mga fire victims.
Matud ni Del Castillo nga lakip na niini ang ilahang 15 kaadlaw nga food assistance, ingun man ang alang sa housing materials.
Gisiguro usab sa kapitan nga makabalik lang sa ilahang tagsa-tagsa ka area ang mga nasunogan human sa pagtugot sa tag-iya niini.
Nasayran nga usa ka private-owned lot ang area nga nasunogan.
Samtang, gibutyag ni Del Castillo nga mihangyo na usab kini sa tag-iya sa luna nga magpahigayon sila ug reblocking arun usab nga mapalapdan ang agi-anan ug dili maglisod ang mga emergency responders kung ugaling adunay mga emerhensiya sama na lang sa sunog.
