MANDAUE CITY, CEBU-Posibleng makadawat ang mga sakop sa Barangay Response Team sa dakbayan sa Mandaue og binuwan nga honorarium nga nagkantidad og P2,000, matod ni Buddy Ybañez, pangulo sa Mandaue Disaster Risk Reduction and Management Office.
Dugang ni Ybañez nga ang draft ordinance alang niini nga inisyatiba gisumite na ngadto sa City Council sa miaging semana ug ipaubos sa unang pagbasa niini atol sa session nga gikatakda karong Mayo 4, 2023.
Giumol ang maong ordinansa gumikan kay nakita nga dako ug natabang ang mga Barangay Response Team panahon sa emergency suma sa sunog, baha ug lain laing kalamidad lasbi na sa bagyong odette.
Kung ugaling ma aprobahan mao kini ang unang higayon nga makadawat ang mga sakop sa BRT og pinansyal nga pag-ila sa ilang bililhong paningkamot.
