Barko nga giatake sa mga rebeldeng Houthi sa Red Sea, hingpit nga nalunod – DMW

Hingpit nga nalunod ang barko sa MV Tutor nga unang gikataho nga giatake sa Houthi Rebels sa Red Sea gamit ang missile.

Kini ang gikumpirma ni Migrant Workers Sec. Hans Leo Cacdac atubangan sa mga kawani sa Media.

Matod ni Cacdac, ang maong barko nalunod sa bahin sa Eritrea sa East Africa.

Kalabot niini, gipasalig ni Cacdac nga ipadayon niini ang pagpangita sa missing nga Filipino seafarer crew sa nahabiling barko.

Sa pagkakaron, dili pa siya makaingon nga patay na kini tungod kay wala pa kini makit-i.

Matod niya nga nagpadayon ang pagpangita ug giklaro nga walay gigahin nga panahon o time frame.

Nagpadayon usab ang ahensya sa paghatag og tabang sa mga pamilya sa mga nawala nga mga Pilipino.